الحدوتة الاولي : حكاية الفانوس.
بقلم / سارة عبد الرحمن
*نوسة* :بودي انا عايزة اسأل سؤال.
*بودي* :قولي يا نوسة.
*نوسة*:سمعت النهاردة في التليفزيون آية عن رمضان بس مفهمتهاش .
*بودي*:طب قولي يمكن اشرحها لكِ
*نوسة*:بسم الله الرحمن الرحيم
"شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ".
*بودي* : المقصود هنا إن بداية نزول القرآن الكريم على الرسول عليه الصلاة والسلام كانت في شهر رمضان عشان يهديهم للحق وكمان يفرق بين الحق و الباطل وعشان كده الفرقان اسم من اسماء القرآن الكريم.
*نوسة* :اممم فهمت ....اي رايك في الفانوس الجديد بتاعي بابا لسا جايبه عشاني .
*بودي*:شكله حلو جدا ،تعرفي يا نوسة اي هي حكاية الفانوس .
*نوسة*:لا بس كنت بسأل نفسي هو مين اللي سمي الفانوس فانوس ؟
*بودي*:طب تعالي اقولك،كلمة فانوس اصلا إغريقية يعني يونانية والمقصود بيها مصباح أو قنديل وكان بيستخدم للإضاءة.
*نوسة*:طب أمتي استخدمناها ؟
*بودي*:اول من استخدمها هم المسلمون المصرين في عهد الدولة الفاطمية سنة *٣٦٢* ه لما دخل المعز لدين الله الفاطمي القاهرة اللي بناها جوهر الصقلي.
*نوسة*:ازاي استخدمه الناس .
*بودي*:المعز لدين الله الفاطمي كان في مدينة اسمها المهدية في تونس وكان في طريقه لمصر ،المصريون بقي كانوا فرحنين جداا أن في حد من نسل الرسول صلى الله عليه وسلم هيتولي الخلافة فخرجوا لاستقبال المعز في فرح شديد وكان معهم فوانيس وشموع واليوم ده كان *٧* رمضان ومن هنا ارتبط الفانوس بشهر رمضان.
مش بس كده كمان الخليفة الحاكم بأمر الله الفاطمي كان بيمنع الستات من الخروج للأسواق بس في رمضان كان بيسمح بخروجهم بشرط أن يكون أمامها ولد صغيره معه فانوس عشان الناس تعرف أن في ست هتمر من هنا .
كمان ازدهرت صناعة الفوانيس بشكل كبير جداا في عهد المماليك يعني في القرن *٨* و *٩* هجريا .
واستمر التغير في شكل الفانوس لحد ما وصل لينا الفانوس الجميل بتاعك يا نوسة .
تعليقات
إرسال تعليق
إترك تعليقا لنا لدعمنا لكي نكمل مشوارنا